نرخی دۆلار لە بازاری ئازادی ئێراندا گەیشتە بەرزترین ئاستی مێژوویی خۆی کە بریتی بوو لە ٢٣١ هەزار تمەن، کە ئەم ژمارەیە ٢٥٪ لە نرخی مانگێکی پێش خۆی و ١٢٥٪ لە نرخی هەمان ماوەی ساڵی ڕابردوو (کە دەوروبەری ١٠٢ هەزار تمەن بوو) بەرزترە. ئەم بازدانە لە نرخی دراوەکاندا هاوکات ڕوویدا لەگەڵ پەرەسەندنی گرژییە سەربازییەکان (لەوانەش لەناوبردنی تانکەرە نەوتییەکانی ئێران لەلایەن ئەمریکاوە و هێرشی سپا بۆ سەر بنکەکان) و سەپاندنی سزای نوێ لەلایەن ئەمریکا و بەریتانیاوە.
جیاوازیی نرخی دۆلار لە بازاڕی ئازاددا لەگەڵ نرخی فەرمیدا گەیشتووەتە دەوروبەری ٦٩ هەزار تمەن (نرخی فەرمی ١٦٢ هەزار تمەنە). دراوەکانی تریش و زێڕ گران بوون؛ پوند بە ٣١٣ هەزار، یۆرۆ بە ٢٦٨ هەزار و سکەی ئیمامی بە ٢٤٠ ملیۆن تمەن نرخێنران. سەرەڕای بانگەشەی عەبدولناسر همتی، سەرۆکی بانکی مرکزی، سەبارەت بە نەبوونی کەموکوڕی لە دراو و ئامادەیی بۆ خستنەڕووی دوو ملیار دۆلار، بەڵام گەمارۆی دەریایی هەناردەکردنی نەوتی گەیاندووەتە سفر.
