لە هەواڵێکی مایەی دڵخۆشیدا، یەکێک لە سزاکانی سێدارەی «یوسف ئەحمەدی»، بەندکراوی سیاسیی کوردی خەڵکی بانه و ڕاگیراو لە بەندیخانەی ناوەندیی سنە، دوای زیاتر لە شەش ساڵ لە بەندکرانی بێ پشوو، سەرەنجام هەڵوەشایەوە.
ئەم بەندکراوە سیاسییە کە ماوەی زیاتر لە شەش ساڵی ڕابردووی لە دۆخێکی سەختدا و بەبێ تەنانەت یەک ڕۆژ مورەخەسی لە بەندیخانەدا بەسەر بردووە، لەلایەن دادگاوە سزای سێدارەکەی (کە پەیوەندیدار بوو بە دۆسیەیەکەوە) گۆڕدرا بۆ دە ساڵ بەندکردن.
سەرباری ئەوەی ئەمە هەنگاوێکی ئەرێنی و هیوادەرکارە بۆ ڕزگارکردنی گیانی ئەم بەندکراوە، بەڵام ناوبراو هێشتا لە دۆسیەیەکی دیکەدا ڕووبەڕووی مەترسیی سزایەکی تری سێدارە بووەتەوە؛ کە پێشتر لەژێر فشار و ئەشکەنجەی دەزگا ئەمنییەکاندا بەسەریدا سەپابوو. پارێزەران و لایەنە پەیوەندیدارەکان بەردەوامن لە هەوڵە چڕەکانیان بۆ هەڵوەشاندنەوەی ئەو سزایەش و گەڕانەوەی دادپەروەری بۆ ئەم بەندکراوە سیاسییە.
